تحميل كتاب سكن pdf – ريهام حلمي

أبريل 17, 2022

تحميل كتاب سكن pdf – ريهام حلمي مجانا من موقع ساحر الكتب

تحميل كتاب سكن pdf – ريهام حلمي عايشين كأن قلوبنا بقت متشفرة.. وكأن الأيام قفلت قلبنا بقفل.. وخبت مننا المفتاح.. قرروا لنا إن الإحساس تفاهة.. وإن الدنيا عايزة الشديد اللي يعيشها بعملية وبس..
.
الكتاب ده هيعبر عنك في أغلب حالاتك الشعورية.. كأنه صديقك.. بيتفهمك وبيريحك وبيديك نصيحة تتحرر ازاي من وجعك.. كأنه مراية لقلبك.. للي بتحس بيه مع الناس.. وكمان للي ممكن تكون سبب فيه عشان الناس تتضايق أو تتألم منك.. فنتعلم نرصد إحساسنا وازاي ندير الألم جواه.. وكمان نتعلم مفتاح التعايش حوالين الناس..
.
الكتاب ده بيساعدك إنك تبدل جواك المعاني المؤلمة لمعاني تساعدك تقلل قوي الوجع في حياتك.. فيعتبر وقاية وعلاج عام لجروح الحياة.. تخلي مُرّ المشاعر يتحول لسَكَن.
.
الكتاب بيساعدك تدير احاسيس كتير مشهورة مؤلمة بتحبسنا وبتخلينا بنلف فيها .. لأن الألم جزء من الحياة لازم نديره مش نرفضه .. ولا نتحبس جواه .. نديره ونعديه بمعاني تساعدنا على الاستمرار ..

وده الباب الأول .. بيتناول الاحاسيس زى الشعور بعدم القدرة .. الشعور بالفقد .. الشعور بنوبات الفزع .. الشعور بالتوتر .. الهجر .. تقريبا عشر احاسيس ..
.
الباب التاني هيبقى لكل احساس بنحس بيه حوالين سمات شخصية معينة حوالينا في الناس بتوجعنا .. الباب هدفه مش شيطنة الآخر وبيان انه سلبي وبس .. الباب ده هدفه يزود التقارب بأنه يديك مفاتيح للتعامل مع الآخرين بشكل يساعد على التفهم والتعايش .. لان كل سمة بتتعرض فيه ممكن تبقى فيك مع شخص تاني .. يعني احنا فاعل ومفعول به ..
.
سمات زى النرجسية .. التقلب المزاجي .. الغضب .. السيطرة .. الضحية .. هما ١٠ سمات .

كتاب سكن – ريهام حلمي

اخر باب .. فيه زى كتالوج حقيقي لمعاني لو عشنا بيها هنقلل كتير دخول اصلا الاحساس اللي بيوجع .. اللي هو كأنك بتظبط زوايا نظرتك صح فالعربية متخبطش اصلا .. فكرة الوقاية خير من العلاج ..
.
فالبالب الاول والتاني فيهم العلاج ..الباب التالت فيهم المناعة النفسية ..

الكتاب ده ربنا بعته ليا بمثابة طوق إنقاذ فعلًا في وقت أنا كنت على وشك الإنهيار فيه ، لكن بفضله و رحمته بعتهولي علشان يساعدني و ياخد بإيدي ..
هو كتاب بالعامية يتبع لعلم النفس أو من كتب إدارة المشاعر ، منقسم لتلت فصول ، أول فصل بيتكلم عن ” دوائر الألم ” بمعنى المشاعر المختلفة السلبية اللي ممكن نمر بيها من شعور بالوحدة و الخذلان و الهجر و إلخ من مشاعر مختلفة و إزاي نتعامل معاهم ، الفصل التاني بيتناول تعاملنا مع الناس اللي ممكن يحولونا لـ ” عرائس ماريونت ” من عنوانه و إزاي نقدر نواجهم و نكيف نفسنا في التعامل معاهم لو مش حابين إننا نخسرهم ، و الفصل التالت بعنوان ” سكن ” بيتكلم عن إن الواحد يصاحب نفسه و يعرف يطبق الفصول اللي فاتت و يتعامل معاها لحد ما يوصل لإحساس السكينة و الرضا

يمكن مش كل الأفكار اللي فيه جديدة تمامًا و يمكن أنا قرأتها قبل كده ، بس قرأتها متفرقة ، فكونه إن مجمع المشاعر دي كلها مع بعض كان شئ حقيقي لطيف في فترة كنت محتاجة فيها لحاجة زي كده و محتاجة لـ ” ونس ” و صوت يفكرني المفروض أعمل إيه و أتصرف إزاي .. فحقيقي أنا حبيته جدًّا

الغلاف كمان رائع و مريح أوي