تحميل كتاب حكايات منسية ج3 pdf – محمد أمير

يناير 29, 2020

تحميل كتاب حكايات منسية ج3 pdf – محمد أمير مجانا من موقع ساحر الكتب

تحميل كتاب حكايات منسية ج3 pdf – محمد أمير سعيد باشا كان بيحب اسماعيل وممسكه كل حاجة تقريبا، يعني رئاسة مجلس الاحكام، وكان هو الموفد الخارجي بأسم مصر وقابل بابا الفاتيكان ونابليون الثالث وكمان سعيد باشا كان بيسيب اسماعيل بدل احمد رفعت قائمقامه وعينه كمان سردار في الجيش واختاره عشان يفض انتفاضة حصلت في السودان، وكل ده بعيد عن الوريث الشرعي احمد رفعت باشا،

لما سعيد باشا تعب شوية، بدأ أحمد رفعت مطالباته بالعرش شوية بشوية كدة وبدأ يلمّح عن احقيته بالادارة وان اسماعيل ملوش انه يمسك كل ده، وابتدا الرعب،

لما سعيد باشا خف ١٨٥٨م، قرر انه يعمل وليمة كبيرة في الاسكندرية احتفالا بخروجه بالسلامة وبمناسبة دخول عيد الاضحى، وعزم فيها كل الامراء العلويين وفيهم طبعا احمد رفعت باشا ومصطفى فاضل باشا وادهم باشا وغيرهم، والغريبة ان بعض المصادر بتقول ان الامير اسماعيل مكنش حاضر الاحتفال ده،

المهم، خلص الاحتفال والاكل والشرب وكله تمام، واضطر احمد رفعت باشا انه يستأذن ويرجع القاهرة عشان يباشر اعماله، واخد معاه الامير عبد الحليم بن محمد علي وشوية من رجال الحاشية، وركبوا قطار ملكي خاص عشان يروحوا،

قوم والقطر ماشي المفروض بيعدي فوق كوبري كفر الزيات المتحرك اللي بيتفتح عشان يعدي المراكب والسفن في النيل، فا ييجي القطر في نفس اللحظة اللي الكوبري مفتوح والسواق مش واخد باله ولا مسئول الكوبري، ويكمل القطر مشي ويقع في النيل

كتاب حكايات منسية ج3 – محمد أمير

مأمون الشناوي الشاعر المشهور وهوا بيلبس بنطلونه في يوم من الايام، حط ايده في جيبه صدفة لقى ورقة، الورقة مكتوب فيها كلمتين، ” عالحلوة، والمرة، مش كنا متعاهدين؟ ليه تنسى بالمرة عشؤة بقالها سنين!” ،
مأمون قرا الكلمتين كذا مرة ورا بعض، فا شعشعوا معاه، حسه كشاعر غنائي اشتغل وقرر يشوف ايه قصة الكلمتين دول، فا دخل للخدامة بتاعته وضغط عليها لحد ما اعترفت انها مرتبطة بالمكوجي بتاعك في بولاق وان المكوجي ده متعود يبعت جوابات غرامية ليها في جيوب اللبس بتاع مأمون، والمرادي نسيت تشيلها لانها كانت زعلانة منه والكلمتين دول بيصالحها بيهم.
فا مأمون كلم المكوجي وطلب منه يجيله، وبعدها كلم الملحن محمود الشريف وعرض عليه الكلمتين وطلب منه ييجي، لما التلاتة قعدوا، والمكوجي اعترف، مأمون طلب منه يكملها اغنية وعرض عليه يبقا شاعر غنائي، وفعلا حصل، وعجبت الأغنية عبد الغني السيد وغناها عشان تبقا اهم اغانيه والكلام ده في الاربعينات، ويتحول سيد المكوجي للشاعر الكبير سيد مرسي اللي اشتغل مع شادية، صدفة !!.