تحميل كتاب كنتي سيبيه يمسكها يا فوزية pdf – مروة الصعيدي

فبراير 26, 2020

تحميل كتاب كنتي سيبيه يمسكها يا فوزية pdf – مروة الصعيدي مجانا من موقع ساحر الكتب

تحميل كتاب كنتي سيبيه يمسكها يا فوزية pdf – مروة الصعيدي همّا صحيح قالوا الحب تضحية، وأنا مقصدش حب الرجل للمرأه أو العكس فقط، لأ، أنا أقصد جميع أنواع الحب والمشاعر والعلاقات البشرية، فكل علاقة ليها نوع مختلف من الحب والمشاعر الإنسانية، حتى الجواز ما هو إلا علاقة أو إطار رسمي لعلاقة مشاعر معينة، وهنا بقى فيه أسئلة كتير مهمة:
إيه معنى التضحية؟
إيه مفهومها بالنسبة لكل طرف في أي علاقة إنسانية؟
وهل قابلت فعلًا اللي يستحق التضحية دي؟
طب هل اخترتوا اللي تضحوا عشانه فعلًا؟ ولا اخترت اللي بيضحي عشانك واكتشفت في الآخر إن هو بيضحي بيك إنت شخصيًا؟
كنت أتمنى أعرف رأيكم فعلًا أو أسمعه لكن ليا رأي في الكتاب ده من خلال مقالات وقصص واقعية جدًا بأشخاص وأسماء وهمية.
كان نفسي أسمِّي كل الشخصيات فوزية فعلًا (لأن الاسم عزيز عليا حبتين تلاتة كده).
المهم إني اكتشفت في خلال سنين من شغلي في الاستشارات والإرشاد الأسري واللايف كوتشنج إن كل اللي بنتعلمه ميجيش حاجة جنب اللي بنشوفه من مشاكل على أرض الواقع، والأهم إني اكتشفت إن أنا اللي بتعلم من التجارب أكتر ما اللي بييجي يستشيرني ما بيتعلم مني فعلًا.

كتاب كنتي سيبيه يمسكها يا فوزية – مروة الصعيدي

الحياة على الأرض غير في الكتب خالص، وكالعادة قررت إني أعلم غيري اللي أنا اتعلمته..
ما هو ربنا خلقنا مختلفين عشان نكمل بعض ونتعلم من بعض.
وللأسف، ممكن كمان نعلم في بعض، وبيكونوا علامتين ملهمش تالت، إما علامة حلوة بأثر جميل، وإما علامة زي العاهة المستديمة معلِّمة في روحنا بجرح مبيلمش.
لأن ببساطة.. الناس ممكن تنسى إنت قلتلها إيه..
وممكن كمان تنسى إنت عملت معاها أو ليها إيه..
لكن عمرهم ما بينسوا إنت خليتهم يحسوا بإيه.
أتمنى تكون في التجارب دي شيء يعلمكم، أو على الأقل يعلِّم فيكم ويداوي جرح قديم..
والأهم إنه يجاوب على الأسئلة اللي فوق دي.
وأنا بكلم نفسي
(حدث بالفعل).

استمتع بهذا العمل المتميز وكل جديد مع ساحر الكتب مسرح الحصريات

متنسوش تنضموا لينا فى جروب ساحر الكتب

للحصول على أحدث الكتب والروايات الحصرية أنصحكم بالإشتراك فى جروب ساحر الكتب